1.Саем за Здраво Градење и Штедење на Електрична Енергија Виена, 12-15 февруари 2015 год.

Изминатава зима АРХАМ беше дел од BAUEN & ENERGIE WIEN, саем за здраво градење, реновирање, безбедност, објекти со бањи, финансирање и штедење на електрична енергија. 

Главната цел на овој саем се најновите достигнувања и пронајдоци во областа на заштита на животната средина и климатските промени. Претставува многу популарен годишен собир на трговски експерти и потрошувачи кои имаат намера да градат нови домови и/или издатоци користејќи ги најдобрите и најновите материјали и системи кои индустријата ги нуди.

Околу 550 изложувачи даваат детални совети лице-в-лице во врска со градежни материјали, прозорци и врати, модерни монтажни куќички, финансирање, технологии за греење и апарати во домаќинството, објекти со бањи, како и енергетска ефикасност.

Bauen & Energie Wien е настан кој дава експертски совети за тековните проекти за изградба и реновирање во источниот дел на Австрија и околните области надвор од државата.

 

2. „Паметно Градење за Паметни градови”, 10-11 јуни 2015 год., Виена

После тоа, во јуни нашиот тим учествуваше во конференцијата ПАМЕТНО ГРАДЕЊЕ ЗА ПАМЕТНИ ГРАДОВИ во Виена.

Причината зошто се приклучивме кон овој настан беше да научиме повеќе за најновите австриски технологии и познавања во областа на одржливо градење, обновување, згуснување и пренамена, пронаоѓање на нови деловни партнери и меѓународно проширување, запознавање со новите пазари, поттикнување на прекугранични соработки итн.

И саемот и конференцијата беа успешни настани за нашето здружение преку кои се здобивме со обемни информации и значително знаење кои во иднина ќе ни помогнат за остварување на нашите цели.

ПЕЕБПЕ е акроним за проектот со наслов: Унапредување на енергетската ефикасност кај градбите и заштита на животната средина.

Проектот настана како резултат на успешната соработка на четири партнери: Технолошко-образовниот институт (ТОИ) од Кожани, западна Македонија, Република Грција, општина Ресен, соседната општина Преспес (Грција) и нашето здружение АРХАМ, по два од секоја земја, во рамките на Програмата за прекугранична соработка помеѓу Грција и Македонија 2007-2013.

Под слоганот ЗАШТЕДИ ЈА ЕНЕРГИЈАТА, ЗАЧУВАЈ ЈА ОКОЛИНАТА активно се вклучуваме во борбата со климатските промени.

Главните предизвиците со кои требаше да се соочиме беа:

  • Намалување на емисиите на јаглерод диоксид кои го предизвикуваат ефектот на стаклена градина
  • Намалување на трошоците за енергија во јавните објекти
  • Развивање на институционална рамка за регионално делување на полето на енергетската ефикасност
  • Јакнење на капацитетите во јавниот и приватниот сектор за зголемување на енергетската ефикасност
  • Подигање на граѓанската свест за потребата, но и за начините за ефикасна борба со климатските промени.

proektot1

Кои чекори ги презедовме?

Испитувавме, меревме, пресметувавме, проектиравме и спроведувавме.

  • Извршивме детална енергетска ревизија на 25 јавни објекти, од кои во 15 во општина Ресен и 10 во општина Битола
  • Стекнавме меѓународни искуства преку учество во деталната ревизија на 25 јавни објекти во општина Преспес, Грција
  • Ги усогласивме спроведените испитувања со новата законска методологија за енергетска контрола
  • Развивме студија за целосна енергетска ефикасност, или нулта енергетска емисија, на еден јавен објект во општина Ресен
  • Спроведовме паметни интервенции за зголемување на енергетската ефикасност на СОУ Цар Самоил – пилот јавен објект во општина Ресен

proektot2

Потоа споделувавме со граѓаните преку проектни активности, направивме интерактивна интернет страница за енергетска ефикасност, изработивме и пуштивме во опсег водич за енергетска ефикасност со практилни совети и корисни информации, организиравме конференција за енергетска ефикасност кај зградите на државно ниво, семинари за подигање на јавната свест и зголемување на знаењата, спроведувавме специјализирани обуки.

proektot3

 

На крај, но не и за крај, основавме Регионален Центар за Енергетска Ефикасност кој ја продолжува активноста и по завршувањето на  проектот.

 

 

Повеќе детали за проектот можете да најдете на официјалната интернет страница: www.peebpe.eu

 

copyProject

На 16.12.2015 г. во Домот на културата во Битола се одржи изложба наречена Македонско око на Израел и Израелско око на Македонија. Како што самиот наслов кажува, тоа беше изложба на фотографии направени од двајца професионални фотографи од Македонија и Израел. Целта беше да сликаат моменти и места во земјите од нивна гледна точка, без никакви инструкции, со цел да ја прикажат вистинската слика на земјите кои ги посетиле, односно како тие ја гледаат со сопствените очи.

Изложбата беше посетенDSCF4611(1)а од многу јавни личности, и беше дел од настаните кои ги посетија младите амбасадори од младинската организација Бнеи Акива и последователно продолжение на активностите поврзани со проектот Меморијален парк на Евреите од Битола – Монастир. Самото тоа значи дека изложбата ја посетија градоначалникот на Битола д-р. Владимир Талески, амбасадорот Н.Е. Дан Оријан, членовите на АРХАМ, сите останати посетители од Израел, и многу други. Во рамките на изложбата хор испеа традиционални македонски битолски песни, а како одговор младинците од Бнеи Акива имаа подготвено своја изведба на традиционални израелски мелодии.

Студеното време не беше пречка за официјалното отпочнување на проектот Меморијален парк на Евреите во Битола – Монастир кое беше проследено со многу ентузијазам и надеж за создавање на место со кое Битола би се гордеела во иднина, кое би било вистинска атракција и магнет за туристите во иднина, но и приказ на opening ceremony1големата почит која овој град ја има кон своите минати жители од Израел. Свечената церемонија ја отвори координаторот на проектот – Марија Герас Дочовска од АРХАМ, а потоа свои говори одржаа министерката за култура на Реп. Македонија Елизабета Канческа-Милеска, министерот Џери Наумоф, Н.Е. амбасадорот Дан Оријан, градоначалникот на Битола др. Владимир Талески, претседателката на Еврејската заедница во Р. Македонија Берта Романо-Николиќ и Шели Леви Друмер од Бар Илан Универзитетот од Тел Авив. Меѓу присутните на настанот беа и многу други јавни личности, како и група млади луѓе од младинската организација Бнеи Акива од Израел. После свечените говори беше глopening ceremony3авниот момент кој официјално го означи почетокот на проектот, засадувањето на 5 магнолии и уште 50 дрвца долж источниот ѕид на гробиштата.

„Ова е посебен ден за мене и за нашите два народи. Она што го започнавме пред неколку месеци , го продолжуваме сега, да создадеме коалиција меѓу двата народи“, рече амбасадорот Оријан.

Самиот проект предвидува расчистување, реставрирање и зачувување на Еврејските гробишта и создавање на модерен парк кој би вклучил и современа технологија со што би бил место за посетители, место за одмор и уживање за граѓаните на Битола, како и показател на урбан развој преку одржливи решенија донесени од една од најнапредните земји во светот – Израел.

 

Преземено од ТВ Орбис

 

Преземено од ТВ Тера

 

memorandum za sorabotka slika1 prezemena od republika.mkНа 16.12.2015 г. беше потпишано проширување на Меморандумот за соработка склучен меѓу општина Битола, амбасадорот Н.Е. Дан Оријан и АРХАМ – иницијаторот на целокупната идеја, и тоа симболично, во детската градинка Естреја Овадија Мара. Со потпишувањето на овој договор кон проектот и официјално се приклучија Еврејската заедница во Македонија и Фондот на холокаустот на Евреите. Важноста на настанот најдобро ја докажува присуството на личности како Мати Грунберг – уметник со светско реноме кој меѓу другото работел gradinka2и на албумите на Џон Ленон, неговата сопруга, брачниот пар Голдшмит – светски познати продуценти кои добија задача од израелското Министерство за надворшени работи да снимаат документарен филм за оваа приказна, преку 25 членови од најголемата младинска организација во Израел Бнеи Акива, претставници од Универзитетот Бар Илан од Тел Авив и многу други. Во чест на овој настан беше организирана и мала приредба со која дечињата од градинката ги воодушевија присутните, додека пак амбасадорот Оријан со големо задоволство донираше книги од израелски автори за библиотеката на градинката.

 

Лесно е да се игнорираат големи проблеми кога директно не нè засегаат. Пример за тоа е наводнувањето на земјоделските површини.

Далеку најразвиени системи за наводнување и разумно користење на водата ги има на Блискиот Исток. Со оглед на тоа што регионот се наоѓа во пустина и е тешко да се најде било каков извор на вода, не е ни чудно што таму се наоѓа и најсофистицираната технологија за водоснабдување. Поради својата универзалност, технологијата најде примена и на нашите простори, како што е на пример системот капка по капка кој е широко применет во Република Македонија.

Примитивни верзии на системот капка по капка биле користени уште во антиката. Модерната верзија на системот започна да се развива во 1860 година во Германија каде што истражувачите почнаа да експериментираат со подземни глинени цевки во систем во кој добиваа и наводнување и одводнување. Понатамошниот развој на овој систем се случи во дваесеттите години на минатиот век кога за прв пат беа пуштени во употреба. Пластичните цевки во овој систем прв ги употреби Ханис Тил. Употребата на пластичен емитер за прв пат беше развиена во Израел од страна на Симича Блас и неговиот син Јешајаху. Наместо водата да излегува преку мали отвори кои лесно се затнувале, таа излегувала од поголеми отвори и со помош на емитерот се намалува брзината на водата при излезот. Првиот ваков систем бил поставен во 1959г.  од страна на Блас кој подоцна во 1964 г. стапува во партнерство со Кибуц Хацерим и заедно ја создаваат компанијата за наводнување Нетафим. Заедно го развија и патентираа привиот практичен надземен емитер за системот капка по капка.

Новите трендови во оваа технологија вклучуваат и системи кои се подземни и се поставуваат пред да биде засадена по
вршината со земјоделски култури и системот се чисти со различни препарати. Исто така се наоѓаат и системи со сензори кои ја мерат влажноста на почвата и така се знае колку вода за наводнување ќе биде потребна.

Самиот систем доведе до револуција во наводнувањето на земјоделските површини поради неколку причини. Прво копањето на бразди е целосно непотребно, едноставно саDripirrigationмо се поставува системот и потоа се одржува. Второ со овој систем се задржуваат сите хранливи состојки на почвата бидејќи капалките се концентрираат околу корените на растенијата и затоа искористеноста на хранливите материи е поголема.  Исто така не мора повеќе да се рамнат површините бидејќи системот може да си прилагоди на површината, а се намалува и ерозијата и растот на тревките во самото поле.

Во Република Македонија преку програмите за Рурален развој и Агенцијата за финансиска поддршка во земјоделството и руралниот развој, се дава финансиска поддршка на земјоделците кои сакаат да воведат ваков систем на своите земјоделски површини. За да можата да се добијат овие финансиски фондови мора да се исполнуваат услови. 30 до 60 дена од денот на пријавување, програмите ги објавуваат земјоделците кои ги исполнуваат условите за финансиска поддршка и истите се исплатени околу 6 месеци по пријавувањето. Земјоделците обично добиваат 50% финансиска поддршка за своите трошоци.

Системот капка по капка се докажа како еден од најдобрите начини за наводнување на земјоделските површини и неговата практичност и искористеноста во голем дел од светот се карактеристиките што го прават толку уникатен овој систем.

Секогаш е полесно да се зборува отколку да се докажува на дело. Но, има и такви кои навистина прават неверојатни достигнувања во околности во кои нема место за било какви грешки и успеваат да го направат светот подобро место за живеење. Факт е дека мораме да ги користиме нашите ресурси на што е можно попаметен начин затоа Мекорот, компанијата која го снабдува Израел со вода, остварува неверојатни успеси во оваа гранка и поставуваат најдобар пример за тоа како паметно да се искористи тоа што го имаме на располагање.

mekorot_eng_0002_Layer-3Рационалното искористување на ресурсите претставува основа за ефикасно работење, особено кога ресурсите се во дефицит. Ситуацијата во која се наоѓа Израел довела до тоа да треба да се пронајдат најразлични начини на искористување на природните ресурси. Затоа не е ни чудно што Мекoрот е една од компаниите со најразвиена технологија за снабдување со вода во целиот свет. Најдобар пример за ова се триесет и петте станици кои ја прочистуваат морската вода и ја претвараат во вода поволна за домашна употреба. Оваа вода ќе покрива 75% од потребите на домаќинствата и понатаму ќе биде пренесена од новите структури за пренесување на водата до потрошувачите. Исто така Мекорот е водечка компанија во светот во пронаоѓање на водени извори на длабочина од 1,5 километри под површината. Но, она што остава најголем впечаток е тоа што загубата на вода во текот на пренесувањето е само 3% по целиот водотек. Само како споредба во Република Македонија таа загуба е преку 50% по сите мрежи. Покрај проектите во Израел, Мекорот исто така има свои проекти во Кипар, Аргентина, Азербејџан, Индија, Централна Азија, Африка, Јужна Америка, Источна Европа и земјите на Балканот.

Во октомври оваа година Мекорот ќе присуствува како еден од организаторите на Watec 2015 во Тел Авив која претставува една од најголемите и најпрестижните конференции за квалитетот и технологијата за искористување на водата.

Слободно може да се каже дека Мекорот успева да направи чудо на територијата  Израел и со тоа да ја достигне својата идеја и притоа да остави одличен пример за останатите.

Извори:

http://watec-israel.com/Mekorot

 

Видеото е преземено од http://watec-israel.com/Watec-Israel-Videos.

 

Еврејските гробишта во Битола/Монастир „Дом на живите” (Беит Хаим), беа основани во 1497 година, само пет години по нивното протерување од Шпанија. Ова се едни од најстарите, ако не и најстари, еврејски гробишта на Балканот. Тие беа користени повеќе од 400 години од страна на еврејското население во Битола.

Во текот на Првата светска војна, кога линијата на фронтот минуваше низ градот, еврејските гробишта претрпеа тешки оштетувања од страна на  бомбардирањата на Централните сили (Германија и Бугарија) во текот на 1916 година.

Во 1924 година во Битола пристигна рабинот Шабтаи Џаен и веднаш увиде дека гробиштата се наоѓаат на периферијата од градот и дека се во многу лоша состојба. Голем дел од спомениците беа разнесени и се користеа како материјал за градење. Честопати натписите биле отстранувани, но некогаш останувале како украси. Останатите надгробни плочи биле расфрлани, разрушени и почнале да мувлосуваат. Со цел да собере придонеси од еврејските мигранти по потекло од Битола, рабинот Џаен отпатувал за Америка. Кога се вратил во 1929 година, покренал акција со цел изградба на заштитен ѕид околу гробиштата со железни ковани решетки во средината на кои стоела Давидовата ѕвезда. Овој ѕид ги заштитил гробиштата од понатамошни оштетувања и уништувања вклучувајќи го и периодот на бугарска окупација во Втората светска војна.

Гробиштата беа напуштени и оставени на пропаст по депортацијата на евреите од Битола во 1943. Бугарските војници ги користеевр гроб1ле надгробните плочи за да ги поплочат своите воени кампови, парадни простори, подот на нивните касарни, базенот, ѕидовите на бањите, тротоарите итн. Сè што остана беа само смачкани парчиња од надгробните плочи расфрлани насекаде низ гробиштата.

Во 1961 година, Советот на град Битола донесе одлука за ремоделирање на целиот комплекс и поставување на меморијален парк под државна закрила со цел да ги одржи сеќавањата на евреите во Битола
. Проектот беше развиен и почетните трошоци беа пресметани, делот од финансиите кои го засегаа просторното реконструирање беа и доделени, но ништо не беше преземено.

Во 1997 година, точно 500 години по нивното оформување, беше покрената граѓанска кампања за да се обноват гробиштата и да се изгради меморијален центар на Холокаустот. Извршена е значителна работа, во кои спаѓа и реставрацијата на влезната порта, која е прогласена за културно историски споменик. Портата има лак изработен во готски стил придружена со два прозорци од страните во истиот стил. Горниот дел на фасадата е декорирана со ребрасти издатоци.

Со почетокот на изградбата на Меморијалниот центар во Скопје во 2005 година, иницијативата за изградба на меморијален центар во Битола опадна.

Денес, гробиштата се целосно заградени со ѕидови (три страни се целосно изѕидани, додека предниот дел има и железна решетка). Главниот влез се наоѓа во подножјето на ридот. Неколку илјади гробни места сè уште постојат, повеќето се нечитливи, освен неколку кои се наоѓаат во долниот лев агол од страната на влезот и се во добра состојба. Поголемиот број на надгробни плочи се во хоризонтална положба по Сефардискиот обичај.

Извори:

Шломо Албохер „The life and times of the departed Jewish community of Bitola“

Третото издание на Балканската колонија на ракотворци беше отворено со изложбата на светски познатиот пејзажист Руслан Сергеев од Израел. Траеше пет дена за време на кои ракотворци од Балканот и пошироко имаа можност да ја прикажат нивната страст кон рачната работа.

Scultura-insetto-gigante-designer-Ruslan-Sergeev-street-artРуслан Сергеев е Евреин со руско потекло. Дипломирал дизајн на Академијата на уметности и дизајн во Минск, Белорусија. Познат е по неговите пејзажни мозаични скулптури кои ги има над 90, а со негови дела се уредени и 9 уникатни паркови на скулптурата. Во Македонија е за прв пат и неговата посета е само потврда  на 20 годишниот  развој на дипломатските односи меѓу Македонија и Израел.

За време на неговиот престој во Битола во рамки на колонијата тој одржи мастер клас со студенти. Тие имаа можност подобро да се запознаат со овој уметник и воедно да научат нешто повеќе за мозаичната техника. Изработија и мала скулптура на рис како симбол на градот Битола.

Во рецензиите Сергеев го споредуваат соruslan sergeev sculpture Антонио Гауди, кој што ја одбележа и архитектонски ја промени Барселона, а овој израелски уметник тоа го направи со Израел. Направен е и план за изработка на 15-20 метарска скулптура на рис која би го украсила градот со нешто грандиозно, а воедно би била прва негова скулптура на Балканот. Доколку се помине одредена постапка и се договорат сите детали рисот ќе се изложи на јавно место и ќе биде атракција како за децата така и за возрасните.

 

 

Интервјуто е преземено од ТВ Орбис.

Од 13-ти до 15-ти октомври 2015 г. во Израел ќе се одржи „Саем и Конференција за Водни Технологии и Управување со Животната Средина” ВАТЕК 2015 на која членовите на АРХАМ ќе земат активно учество.

ВАТЕК Израел се одржува на секои две години со времетраење од три дена. Претставува одлична можност да се слушнат и сретнат многубројни компании од областа на Вода, Енергија и Животна средина кои се во потрага по партнери, инвестиции и професионални услуги со цел понатамошен развој на своите компании. ВАТЕК Израел секогаш привлекува илјадници специјалисти од областа на вода и отпадни води од целиот свет.

Screen-Shot-2013-02-19-at-2.13.32-PMИзраел веќе подолго време игра важна улога во полето на чисти технологии, еволуирајќи од земја со ограничени природни ресурси во значаен протагонист на глобално ниво во рамките на одржливоста. Искористувајќи ја домашната високо квалификувана работна рака и огромното искуство во индустријата на врвни технологии, државата разви сопствена индустрија составена од преку 400 компании посветени исклучиво на развивање технологии за одржлива вода, енергија и животна средина.

Специфичните побарувачки за вода на Израел помогнаа во создавањето на многу значајни придонеси:

  • Неколку од најголемите светски погони за отсолување на вода преку повратна осмоза се наоѓаат во Израел (најпознати се Сорек и Хадара)
  • Светски лидер во искористување на рециклирана вода (преку 80% од земјоделската потрошувачка)
  • Еден од најнапредните системи за прочистување и пречистување на отпадни води
  • Единствен обединувачки начин на управување со различни извори на вода
  • Изградба, раководење и одржување на единствениот од неговиот вид Национален пренесувач на вода
  • Напредни решенија за подобар квалитет на водата и нејзина безбедна употреба
  • Напредни решенија за безбедноста на водата во татковината

 

Израелска седмицpapillonа на водата

„Поради потребата за соочување со тешките и неповолни климатски и географски услови и поддржан од претприемачката култура, Израел се претвори во уникатен светски центар за решавање на проблеми поврзани со водата. Еден од најголемите предизвици поврзани со водата на светско ниво е намалувањето на притисокот врз природните извори на вода, како и други извори, кои се последица на брзиот раст на населението, климатските промени и зголемената индустрицка активност. Јасно е дека во денешно време напредните технологии се клучот за поефикасно искористување на природните ресурси (вода, почва, енергија и материјали). Проценето е дека новите технологии и проникливите решенија во однос на водата ќе придонесат за обезбедување на речиси 2/3 од дополнителните количини на неопходна вода во наредните децении.

Со здружување на израелските и меѓународните деловни вршители, инженери за искористување на водата, политички носители на одлуки и водечки истражувачи, ВАТЕК 2015 се очекува да биде врвна изложба на највисоките технологии и решенија од Израел и од целиот свет.”

исечок од Писмото за добредојде на претседателот на ВАТЕК 2015

 

Ова е надворешната врска до официјалната интернет страница: www.watec-israel.com